1Hansı məlumatları toplayırıq
- Hesab məlumatları: email ünvanı, istifadəçi adı və parol. Parol şifrələnmiş (hash) şəkildə saxlanır, biz onu görə bilmirik.
- Profil şəkli: yalnız siz yüklədikdə.
- Paylaşdığınız məzmun: suallar, cavablar, səslər, qəbul edilmiş cavablar, həll etdiyiniz tapşırıqlar, xallarınız və göndərdiyiniz şikayətlər.
- Səsli otaq: mikrofonunuz yalnız siz otağa qoşulduqda və icazə verdikdə istifadə olunur. Səs iştirakçılar arasında birbaşa ötürülür, serverdə qeyd edilmir və saxlanmır. Birbaşa əlaqə üçün IP ünvanınız digər iştirakçılara və STUN serverlərinə görünə bilər.
- Brauzerdə yerli yaddaş: seçdiyiniz tema və dil, İngilis dili dərslərindəki irəliləyişiniz, bildirişlərin bağlanması və giriş sessiyası. Bu məlumatlar cihazınızda qalır.
Reklam məqsədli izləmə və ya analitika kukiləri işlətmirik.
2Məlumatlardan nə üçün istifadə edirik
- Hesabınızı yaratmaq və giriş etməyə imkan vermək.
- Sual, cavab, reytinq və xal sistemini işlətmək.
- Spam və qadağan məzmunun qarşısını almaq, şikayətləri nəzərdən keçirmək.
- Parolun bərpası kimi zəruri email bildirişləri göndərmək.
Məlumatlarınızı satmırıq və reklam üçün üçüncü tərəflərlə paylaşmırıq.
3Hansı xidmətlərdən istifadə edirik
- Supabase: hesabların, verilənlər bazasının, şəkillərin və real vaxt rabitəsinin saxlanması.
- jsDelivr: Supabase proqram kitabxanasının yüklənməsi.
- Google Fonts: şriftlərin yüklənməsi.
- Google və Twilio STUN serverləri: səsli otaqda əlaqənin qurulması.
Bu xidmətlər istifadəçinin IP ünvanı kimi texniki məlumatları öz qaydalarına uyğun emal edə bilər.
4Açıq məlumatlar
İstifadəçi adınız, profil şəkliniz, xalınız, sual və cavablarınız saytda hamıya görünür. Emailiniz başqalarına göstərilmir. Paylaşdığınız mətnə şəxsi məlumat (telefon, ünvan və s.) yazmamağınızı tövsiyə edirik.
5Hesabı silmək
Hesabınızı istənilən vaxt özünüz silə bilərsiniz: Profil → Hesabı sil. Parolunuzu təsdiqlədikdən sonra hesabınız, profil şəkliniz və yazdığınız sual, cavab və səsləriniz silinir. Əməliyyatı geri qaytarmaq olmur. Texniki ehtiyat nüsxələrdə məlumat qısa müddət qala bilər.
Daxil ola bilmirsinizsə, aşağıdakı ünvana yazın.
6Hüquqlarınız
Məlumatlarınıza giriş, onları düzəltmək və ya silmək hüququnuz var. İstifadəçi adını və parolu profil səhifəsindən dəyişə bilərsiniz.
7Uşaqlar
Platforma 13 yaşdan kiçik uşaqlar üçün nəzərdə tutulmayıb. Belə hesab aşkar etsək, silirik.
8Dəyişikliklər
Bu siyasəti yeniləyə bilərik. Dəyişiklik bu səhifədə, yuxarıdakı tarixlə dərc olunur.